વલસાડના રેલવે ગરનાળામાં પાણી ભરાઈ રહેતા લીલાપોર વેજલપોર ગુંદલાવ ચોકડી રસ્તો બંધ થતાં સ્થાનિકોને મુશ્કેલીનો સામનો કરવો પડી રહ્યો છે. વલસાડ તાલુકાના લીલાપોર વેજલપુર થઈને ગુંદલાવ ચોકડી સુધી જીઆઇડીસી કે બીજે જનારા અનેક લોકો આ ટૂંકા માર્ગનો ઉપયોગ કરે છે. સૂત્રોના જણાવ્યા મુજબ આ માર્ગમાં 333 નંબરનો રેલવે અંડરપાસ આવેલો છે. જેમાં ભરપૂર વરસાદી પાણી ભરાઇ રહે છે અને કાદવ કીચડ થાય છે. જેથી છેલ્લા બે માસથી રાહદારીઓ ચાલતા પણ જઇ શકતા નથી, એમણે આજુબાજુમાંથી ચઢાણ ચઢી જોખમી રેલવે પાટાઓ ઓળંગી સામેની બાજુ ઉતરવું પડે છે. જેમાં વાહનનો ઉપયોગ પાણી ભરાવાના લીધે થઈ શકતો નથી. પરિણામે વાહનચાલકો છીપવાડ થઈને અને ત્યાં પણ પાણી ભરાયા હોય તો કુંડી ફાટક થઈને દસેક કિલોમીટરના ચકરાવે જવું પડે છે. આ રેલવે ગરનાળામાં છેલ્લા દસેક વર્ષથી ચોમાસામાં પાણી ભરાવાની સમસ્યા છે. જે માટે ધારાસભ્ય અને સાંસદ સહિત વલસાડ નગરપાલિકા માર્ગ-મકાન વિભાગ દરેકને રજૂઆતો થયેલી છે. પણ આ ગંભીર લોક સમસ્યા ઉકેલવા માટે કોઈએ તત્પરતા દાખવી નથી.
Related Articles
વલસાડના ડુંગરીમાં 900 આદિવાસીનું રસીકરણ
વલસાડ તાલુકાનાં ડુંગરી ગામમાં સતત ચાર દિવસ સુધી આદિવાસી સમાજના લોકોને કોરોના સામે રક્ષણ આપતી કોવિડ-૧૯ વેક્સિન મુકાવવા સામાજિક કાર્યકરોએ અભિયાન ઉઠાવ્યું હતું. આદિવાસીઓમાં રહેલી વેક્સિન બાબતની ગેરસમજ દૂર કરી વેક્સિન મુકાવવા તૈયાર કર્યા હતા. ડુંગરી શ્રીરામજી મંદિર હોલ તેમજ પૂર્વ વિભાગ પ્રાથમિક આરોગ્ય કેન્દ્રમાં તબક્કા વાર સતત ચાર દિવસ સુધી વેક્સિન કેમ્પ યોજાયા હતા. […]
વલસાડના મકાનમાં એક સાથે 15 બ્હ્મકમળ ખીલ્યાં
વલસાડમાં ગણેશ ચતુર્થીના દિવસે એક ઘરમાં એક સાથે 15 જેટલા બ્રહ્મકમળ ખીલેલાં જોવા મળ્યા છે. વલસાડના શ્રોફ ચાલના નાકે આવેલા પુષ્પક એપાર્ટમેન્ટના ફ્લેટ નં.101 માં રહેતા નિવૃત શિક્ષક અમૃતભાઈ રોણવેલિયા તથા શિક્ષિકા કુમુદબેન રોણવેલિયાના ઘરની બાલ્કનીમાં કુંડામાં ઉગાડવામાં આવેલા બ્રહ્મકમળનાં છોડ ઉપર એક સાથે 15 જેટલા ફૂલો ખીલવા પામ્યા હતા. જે ફૂલોના દર્શન અને તેને […]
પારડીમાં ગણેશોત્સવમાં ભાગ લેતા મંત્રી રમણ પાટકર
પારડીમાં કોરોનાના લાંબા સમય બાદ આ વર્ષે સાંઈ શાંગ્રીલા સોસાયટીમાં ગણેશોત્સવ ના બીજેદિવસે વનઆદિજાતિ મંત્રી રમણ પાટકરે મુલાકાત લઇ શ્રીજીના દર્શન કર્યા હતા. તેમની જોડે મહેશ ભટ્ટ પણ આવ્યા હતા. ગણપતિજીના દર્શન કર્યા બાદ મંત્રી રમણ પાટકર સોસાયટીના પ્રમુખ અમૃત પટેલ, ભદ્રેશ પટેલ, અશોક પ્રજાપતિ, પૃથ્વીસ પટેલ, અમિત દેસાઈ, ધર્મેશ મોદી તેમજ સોસાયટી બાળકો અને […]