પવિત્ર શ્રાવણ માસનો શુભારંભ થતા ખેરગામના આછવણી ખાતે સવા લાખ બિલીપત્રનો મહાઅભિષે કરાયો હતો. પ્રગટ પ્રગટેશ્વરધામના ધર્માચાર્ય પરભુદાદા અને રમાબાના સાનિધ્યમાં શરૂ થયેલા શ્રાવણ માસના શુભારંભ અવસરે લઘુરુદ્ર યજ્ઞ પણ કરાયો હતો. દાદાએ આશીર્વચન આપતા કહ્યું કે, શિવ શબ્દ જ કલ્યાણકારી છે, ઝેર પીને સમગ્ર વિશ્વનું કલ્યાણ કરનારા ભગવાન શિવની પૂજા કરી તેના આશીર્વાદ મેળવવા શ્રાવણ માસનું અતિ મહત્વ છે. બિલીપત્રના ત્રણ પાનમાં બ્રહ્મા, વિષ્ણુ અને મહેશ એમ ત્રણેય દેવ સમાયેલા છે. બીલીપત્રના ઝાડ નીચે વિશ્વના તમામ તીર્થ સમાયેલા છે, જેથી ત્યાં પૂજા અર્ચન કરવાથી સમગ્ર તીર્થનું પુણ્ય મળે છે. પ્રભુ ભકિત કરવાની સાથે દુર્ગુણો અને કુટેવો છોડી દેશો તો શિવની પ્રાપ્તિ થઈ શકશે. જીવનના સંપૂર્ણ કલ્યાણ માટે મા-બાપની સેવા કરવી તેમની દરેક આજ્ઞાનું પાલન કરવું જોઈએ. ખેરગામ તાલુકાના નાંધઇના ગુપ્તેશ્વર મહાદેવ મંદિર, ગંગેશ્વર મહાદેવ, વેદાશ્રમ ખાતે આવેલા અખિલેશ્વર મહાદેવ મંદિરે પણ રુદ્રાભિષેક સામુહિક પૂજા કરવામાં આવી હતી.
Related Articles
વડોદરા રાવપુરાના સારંગ પાણીવાડાના ધવલ ઝલકેનું સુંદર આયોજન
વડોદરાના રાવપુરા ખાતે આવેલા સારંગ પાણી વાડા ખાતે રહેતાં ધવલ ઝલકેએ ઘરમાં જ સુંદર ગુફા બનાવી છે અને ગણપતિનું અદભૂત આયોજન કર્યું છે.(ખાસનોંધ અગ્નિપથ ન્યૂઝ આયોજીત ઓનલાઇન ગણપતિ ડેકોરેશન સ્પર્ધા 23 સપ્ટેમ્બર સુધી ચાલશે. હજી પણ એન્ટ્રી લેવાનું ચાલું છે. જો તમારે સ્પર્ધામાં ભાગ લેવો હોય તો નામ, સરનામું, ગણપતિનો ફોટો અને થીમ 93132 26223 […]
ચીખલીના સરૈયા ગામમાંથી દીપડો પાંજરે પૂરાયો
ચીખલી તાલુકાના સરૈયા ગામેથી બે વર્ષીય દીપડો પાંજરે પુરાતા વન વિભાગ દ્વારા કબજે લઇ જંગલમાં છોડવાની તજવીજ હાથ ધરી હતી. પ્રાપ્ત વિગત મુજબ સરૈયા ગામના ઝાડી ફળિયા વિસ્તારમાં દીપડો જાહેરમાં અવર – જવર કરતો હોવાનું નજરે ચઢતા વન વિભાગ દ્વારા શુક્રવારના રોજ ઝાડી ફળિયામાં ઇશાલ કરીમભાઇ દિવાનના ઘરની નજીક પાંજરુ ગોઠવવામાં આવ્યું હતું. જેમાં આજે […]
ચીખલી કોંગ્રેસ દ્વારા રક્તદાન શિબિરનું આયોજન
ચીખલી તાલુકા કોંગ્રેસ સમિતિ દ્વારા કોવિડ-19 ન્યાયયાત્રા અને યુવા સંવાદનો કાર્યક્રમ યોજાયો હતો. કાર્યક્રમમાં તાલુકાભરમાંથી કોંગ્રેસના કાર્યક્રરો મોટી સંખ્યામાં ઉપસ્થિત રહ્યા હતા. કોંગ્રેસ દ્વારા બ્લડ ડોનેશન કેમ્પ પણ યોજવામાં આવ્યો હતો. જેમાં 18 બોટલ જેટલુ રકત એકત્ર થયું હતું. ધારાસભ્ય અનંત પટેલ, તાલુકા કોંગ્રેસના પ્રમુખ શૈલેષ પટેલ, મહુવાના પૂર્વ ધારાસભ્ય ઇશ્વરભાઇ વહિયા, મહિલા મોરચાના પ્રમુખ […]