વલસાડ જિલ્લાના કપરાડા તાલુકાના કરજુન ગામના સરપંચ ભરત રાઉતને રોડ કોન્ટ્રાકટર પાસેથી રૂ 48000 ની લાંચ લેતા રંગે હાથે ઝડપાયો હતો. જેને આજે ગુજરાત પચાયત અધિનિયમ હેઠળ જિલ્લા વિકાસ અધિકારીએ સરપંચપદેથી ફરજ મોકૂફ કરતો હુકમ કર્યો હતો. સૂત્રોના જણાવ્યા મુજબ વલસાડ જિલ્લાના કપરાડા તાલુકાના કરજુન ગામમાં કોન્ટ્રાકટરે રોડનું કામ પૂર્ણ કર્યું હતું, પરંતુ સરપંચ ભરત ધાકલ રાઉત રોડના કામના બિલના ચેકમાં તેમની સહી બાકી હોવાથી ચેકમાં સહી કરી આપવા માટે કોન્ટ્રાક્ટર પાસેથી પહેલા રૂપિયા 70000 ની માંગણી કરી હતી. જોકે ત્યારબાદ ભારે રકઝકના અંતે રૂપિયા 48000 આપવાનું નક્કી થયું હતું. જે અંગે કોન્ટ્રાકટરે વલસાડ ડાંગ એ.સી.બી.ના પોલીસ ઇન્સ્પેકટર ડી. એમ.વસાવા અને એસીબી પોલીસ મથક વ્યારાનો સંપર્ક કરી ફરિયાદ કરતા એસીબી પોલીસે આ અંગે છટકુ ગોઠવતા કરજુન ગામનો સરપંચ ભરત ધાકલ કપરાડા નાસિક રોડ પર રેન બસેરા હોટેલની સામે રૂપિયા 48000ની લાંચ લેતા રંગે હાથે ઝડપાઈ ગયો હતો. જે અંગે એ.સી.બી પોલીસે તેમને ડિટેન કરી કોર્ટમાં રજૂ કર્યો હતો. સરપંચ ભરત રાઉત ૪૮ હજારની લાંચ લેતા ઝડપાઈ જતા તેઓને જિલ્લા વિકાસ અધિકારી મનીષ ગુરુવાની દ્વારા ગુજરાત પંચાયત અધિનિયમ ૧૯૯૩ ની કલમ ૫૯ હેઠળ નોટિસ આપવામાં આવી હતી. જે અન્વયે જિલ્લા વિકાસ અધિકારી દ્વારા કરજુનના સરપંચને આજરોજ પોતાના હોદ્દા પરથી મોકુફ કરવામાં આવ્યા છે.
Related Articles
ધરમપુર કોંગ્રેસ દ્વારા કોરોના સહાયના ફોર્મનું વિતરણ કરાયું
ધરમપુર તાલુકા કોંગ્રેસ સમિતિ દ્વારા કોરોના ન્યાયયાત્રા અંતર્ગત કરોના કાળમાં મુત્યુ પામેલા પરિવારોના ઘરની મુલાકાત લેતાં પહેલા દિવસે આશરે 15 જેટલા ઞામના પરિવારજનોને સહાય માટે કુલ 40 જેટલા ફોમૅ ભરાયા હતાં. ધરમપુર તાલુકા કોંગ્રેસ પ્રમુખ સુરેશભાઈ પટેલની આઞેવાનીમાં તથા વલસાડ જિલ્લાના માજી સાંસદ કિસન પટેલની ઉપસ્થિતિમાં ધરમપુર તાલુકાના કાંગવી, શેરીમાળ, બરુમાળ, કરંજવેરી, ભેસંધરા, માકંડબન, ફુલવાડી […]
વલસાડમાં ત્રણ ઇંચ જેટલો વરસાદ પડતાં જળબંબાકાર
વલસાડ જિલ્લામાં છેલ્લા ત્રણ દિવસથી સારો વરસાદ છે. શનિવારે સાંજે છ વાગ્યાથી આઠ વાગ્યા દરમિયાન વલસાડ તેમજ ધરમપુરમાં અઢીથી ત્રણ ઇંચ જેવો વરસાદ ઝીંકાતા રસ્તાઓ પર પાણી ફરી વળ્યા હતા. વાપી તેમજ પારડીમાં પણ સાંજે બે કલાકમાં અડધો ઇંચ જેવો વરસાદ નોંધાયો હતો. શનિવારે સાંજે છ વાગ્યાથી આઠ વાગ્યા દરમિયાન ધરમપુરમાં ૭૦ એમએમ વરસાદ નોંધાયો […]
પારડી ભાજપમાં બે મોટામાથાના રાજીનામાથી ખળભળાટ
પારડી શહેર ભાજપમાંથી આજરોજ નગર પાલિકાના વર્તમાન વીજળી સમિતિના ચેરમેન અને પારડી શહેર ભાજપ સંગઠન મંત્રી કિરણ મોદી અને બાલાખાડીના ભાજપના બીજલ ઉર્ફે મુન્નો દેસાઈએ પારડી શહેર ભાજપ સંગઠનમાંથી પ્રાથમિક સભ્યપદેથી રાજીનામુ આપી દેતાં પારડીમાં ભાજપનો ડખો સપાટી પર આવી ગયો હતો. આ બંનેએ વારંવાર ઉપેક્ષા થતી હોવાનું કારણ દર્શાવી રાજીનામુ ધરી દેતા પારડીમાં ફરી […]