બીલીમોરા સહિત તાલુકાને વરસાદ ઘમરોડી રહ્યો છે. સોમવાર સાંજે 6 કલાકે વિતેલા 24 કલાકમાં તાલુકામાં 75 મીમી (3 ઇંચ) વરસાદ પડ્યો હતો. રાત્રે 10 થી 12 વચ્ચે 60 મીમી વરસાદી આભ ફાટતા ગણેશ મંડપમાં ધમાચકડી મચી હતી. ગણદેવી પનિહારી નદી નજીક રેલવે અંડર પાસમાં સુરત-બીલીમોરા બસ ફસાતા ટોઇંગ કરી બહાર કઢાતા મુસાફરોનાં જીવમાં જીવ આવ્યો હતો. બીલીમોરામાં ફરી એકવાર વરસાદી સિસ્ટમ સક્રિય થતા વરસાદ મન મૂકીને વરસી રહ્યો છે. જેમાં ૨૪ કલાકમાં ૩ ઇંચ સાથે મોસમનો 52.68 ઇંચ વરસાદ વરસી ચૂક્યો છે. રવિવાર રાત્રે 10 થી 12 વચ્ચેના બે કલાકમાં આભ ફાટતા અઢી ઇંચ જોરદાર વરસાદ વરસ્યો હતો. જેને કારણે ગણેશ મંડળોની ચિંતા વધી ગઈ હતી. જોકે બે કલાક બાદ વરસાદે ખમ્મા કરતાં સ્થિતિમાં સુધારો જોવાયો હતો. સોમવાર સવારે સુરતથી બીલીમોરા આવતી એસ ટી બસ નં. જીજે 18 ઝેડ 8032 ગણદેવી નજીક સરા લાઈન નેરોગેજ અંડર પાસનાં પાણીમાં ફસાતા મુસાફરોના જીવ અઘ્ધર થઇ ગયા હતા. બીલીમોરા ડેપો કર્મચારીઓએ ફસાયેલી બસને ટોઈંગ કરી બહાર કાઢી હતી. લોકમાતા અંબિકા 4.500 મીટરની સપાટીએ વહી રહી છે. ઉપરવાસમાં કેલીયા અને જૂજ ડેમ ભરાતા કાવેરી નદીનાં નીચાણવાળા ગામોને સતર્ક કરાયા છે.
Related Articles
15 થી 20 જૂન વચ્ચે ચોમાસાનો પ્રારંભ
ગુજરાતમાં ખેડૂતો માટે સારા સમાચાર છે, ચાલુ વર્ષે ચોમાસુ ગુજરાતમાં ૧૫થી ૨૦મી જૂન વચ્ચે બેસી જશે. તાઉતે વાવાઝોડાના કારણે દક્ષિણ – પશ્વિમ ચોમાસાનો કરંટ તૂટયો નથી એટલે કે તેને બ્રેક લાગી નથી.હવામાન વિભાગના જણાવ્યા અનુસાર આ વખતે અરબી સમુદ્રમાં અલ નીનો કે લા નીનોની કોઈ અર જોવા મળશે નહીં, એટલે કે દેશના મોટા ભાગના પ્રદેશમાં […]
તૌકતેએ ગુજરાતને ધમરોળ્યું, 17ના મોત
ગુજરાતમાં સોમવારે રાત્રે ઉનાથી પ્રવેશેલા તૌકતે વાવાઝોડાએ ભારે નુકસાન પહોંચાડ્યું છે. વાવાઝોડાની સાથે ભારે વરસાદ પણ પડ્યો, જેના કારણે ઠેર-ઠેર પાણી ભરાઈ ગયા છે. વાવાઝોડાને લીધે રાજ્યમાં 17 લોકોના મોત થયાની માહિતી મળી છે. ઉપરાંત સંખ્યાબંધ ઘરો અને ઝાડ જમીનદોસ્ત થઈ ગયા છે. ઘણા વીજપોલ પણ ધરાશાયી થઈ ગયા છે. તૌકતે વાવાઝોડું ગુજરાતમાંથી રાજસ્થાન તરફ […]
ઉપરવાસમાં વરસાદ થતાં ઉકાઇ ડેમમાં 17000 ક્યુસેક પાણીની આવક
સુરત શહેર અને દક્ષિણ ગુજરાતમાં વરસાદ સતત છેતરી રહ્યો છે. જયારે ઉકાઇ ડેમ(UKAIDAM)ના ઉપરવાસમાં વરસાદ દેમાર ઝીંકાઇ રહ્યો છે. ઉકાઇ ડેમના તંત્રવાહકોએ જણાવ્યું હતું કે ઉકાઇ ડેમના ઉપરવાસમાં વિતેલા ચોવીસ કલાકમાં અલગ અલગ ગેજ સ્ટેશન ઉપર ભારે વરસાદ પડ્યો છે. જેમાં ટેસ્કામાં અઢી ઇંચ, લખપુરીમાં ચાર એમએમ, ચીખલધરામાં અઢી ઇંચ, ગોપાલખેડામાં દસ એમએમ, દેડતલાઇમાં બે […]