ઉમરગામમાં બે મોબાઇલની દુકાન અને એક મકાનમાં લાખો રૂપિયાની ચોરની ઘટનામાં પોલીસે એક સગીરની ધરપકડ કરી હતી. ઉમરગામ પોલીસ સ્ટેશનની હદમાં ઉમરગામ ટાઉન મુખ્ય બજાર વિસ્તારમાં આવેલી ફલક મોબાઇલ શોપ અને સનસાઈન મોબાઇલની દુકાનમાં ગત તા.૮ અને ૯ આગસ્ટ દરમિયાન રાત્રે ચોર દુકાનના પતરાની છત તોડી દુકાનમાં પ્રવેશી રોકડા રૂપિયા અને નવા જુના મોબાઇલ ફોન તથા એસેસરીઝની ચોરી કરી નાસી ગયા હતા. આ ઉપરાંત ઉમરગામ ટાઉન એસવી રોડ કાળ ભૈરવ મંદિર પાસે રહેતા સ્નેહાબેન સાંઈનાથ ઈન્દ્દુલકર તા. ૭/૮/૨૦૨૧ના રોજ શનિવારે પોતાના મકાનને તાળુ મારી પરિવાર સાથે પુના દીકરાને ત્યાં મળવા ગયા હતા તે દરમિયાન ચોર તેમના મકાનનું તાળુ તોડી કબાટમાં મુકેલા સોના ચાંદીના દાગીના અને રોકડા રૂપિયા મળી કુલ રૂા. ૪,૭૦,૮૦૦ની મત્તાની ચોરી કરીને નાસી ગયા હતા. જેની તપાસ કરતાં ઉમરગામ પોલીસ સ્ટેશનના પીએસઆઇ મુકેશભાઈ ભીંગરાડીયા અને સ્ટાફે મળેલી બાતમીના આધારે આ ચોરીના ગુનામાં સંડોવાયેલા 15 વર્ષના એક સગીરને પકડી પાડ્યો હતો. તેની પાસેથી ચોરેલા મોબાઈલ વિગેરે કબજે કરી વધુ પૂછપરછ હાથ ધરી હતી.
Related Articles
ઉમરગામમાં કોસ્ટલ હાઇવે પર પાણી ભરાયાં
વરસાદી વાતાવરણ વચ્ચે સમગ્ર ઉમરગામ પંથકમાં છેલ્લા ૮ કલાકમાં બે ઇંચથી વધુ વરસાદ પડ્યો હતો. સોમવારે સવારથી જ સમગ્ર ઉમરગામ તાલુકામાં વરસાદી માહોલ જામ્યો હતો. સવારે છ વાગ્યાથી બપોરે બે વાગ્યા સુધીમાં ૫૪ મીમી (બે ઇંચ)થી વધુ વરસાદ નોંધાયો હતો. ફલડ કંટ્રોલ રૂમના જણાવ્યા અનુસાર મોસમનો કુલ વરસાદ ૨૧૦૭ મીમી એટલે કે ૮૫ ઈંચ જેટલો […]
મરોલી ગામના આગેવાનો સાથે નારગોલ પોલીસની બેઠક
નારગોલ મરીન પોલીસ સ્ટેશનના પીએસઆઇ શક્તિસિંહ ઝાલાએ મરોલી ગામની વિલેજ વિઝીટ કરી આગેવાનો સાથે બેઠક કરી હતી અને કોરોના મહામારીમાં તકેદારી રાખવા તથા કાયદો વ્યવસ્થાની પરિસ્થિતિ જાળવવા લોકોને સમજણ આપી હતી. સામાન્ય ઝઘડાઓનો નિકાલ આગેવાનો વચ્ચે પડીને સમજાવટ કરે તે માટે સૂચન કર્યું હતું અને દારૂ-જુગારના દૂષણોથી લોકો દૂર રહે ગામમાં સુલેહ શાંતિનો ભંગ ન […]
વલસાડ એલસીબીએ ચોરીની ચાર બાઇક સાથે બે ને ઝડપી લીધા
વલસાડ એલસીબીની ટીમ વાપી ખાતે પેટ્રોલિંગમાં હતી. તે દરમિયાન મળેલી બાતમીના આધારે વોચ ગોઠવી બે ઈસમને ચોરીની 4 બાઈક સાથે ઝડપી પાડ્યા હતા. એલસીબી પોલીસે 4 બાઈક સાથે ઝડપાયેલા આ બે ઈસમને ડુંગરા પોલીસ મથકે વધુ તપાસ અર્થે ધકેલી દીધા છે. પોલીસ સૂત્રો દ્વારા મળતી માહિતી મુજબ વાપીના કોચરવા નહેર રોડ પાસે વલસાડ એલસીબી ટીમ […]