હાલ કોરોના મહામારીમાં લોકોને એમ્બ્યુલન્સની સમય સમયે જરૂર રહેતી હોય છે. દર્દીઓને સમયસર એમ્બ્યુલન્સ મળતી નથી ત્યારે આ એમ્બ્યુલન્સમાં દારૂની હેરાફેરી કરાતી હોવાનું સામે આવ્યું છે. લોકોની આરોગ્ય સેવા માટે ફાળવેલી દમણની સરકારી એમ્બ્યુલન્સમાં કોરોના મહામારી વચ્ચે દારૂની હેરાફેરી કરતા એક ઈસમને પારડી પોલીસે ઝડપી પાડ્યો હતો. પારડી બગવાડા ટોલનાકા ને.હા.ન. 48 પર ગુરુવારના રોજ પારડી પોલીસ ડી સ્ટાફની ટીમ પેટ્રોલિંગમાં હતી તે દરમ્યાન મળેલી બાતમીના આધારે દમણની સરકારી એમ્બ્યુલન્સ નં. ડી.ડી. 03 પી. 0109ને રોકી તપાસ કરતા દારૂની બોટલ મળી આવી હતી. જો કે આ એમ્બ્યુલન્સ પર સાંસદ લાલુભાઇ પટેલે સ્થાનિક વિસ્તાર વિકાસ ફંડમાંથી સરકારી હોસ્પિટલમાં ફાળવવામાં આવી હોવાનું ચિતરેલું હતું. પોલીસે 120 દારૂની બોટલ જેની કિંરૂ. 12 હજાર અને એમ્બ્યુલન્સની કી.રૂ. 7 લાખ મળી કુલ રૂ. 7.12 લાખનો મુદ્દામાલ ઝડપી પાડ્યા હતા. અને આરોપી નિખિલ ઉર્ફે નીરવ ઈશ્વરભાઈ પટેલ (રહે. ઉદવાડા-ઓરવાડ)ને ઝડપી પાડ્યો હતો જ્યારે વિશાલ રાજુભાઈ પટેલ (રહે. પારડી કીકરલા, ટેકરા ફળિયા)ને પોલીસે વોન્ટેડ બતાવ્યો હતો. ઝડપાયેલા આરોપી નિખિલ પટેલે દારૂ વિશાલના ઘરે લગ્ન પ્રસંગમાં લઇ જતો હોવાનું કબુલ્યું હતું. પારડી પોલીસના ડીસ્ટાફ પ્રતિપાલ ઝાલા, અરુણ, પ્રદીપસિંહ, પ્રકાશએ કામગીરી બજાવી હતી.
Related Articles
કાપોદ્રામાં રામદેવમંદિરના મુદ્રે વિશ્વ હિન્દુ પરિષદ મેદાનમાં
સુરત શહેરના કાપોદ્રા વિસ્તારમાં રામદેવપીરનું મંદિર ડિમોલિશન થયા બાદ મૌખિક રીતે સત્તાધીશોએ જમીન ફાળવવાની વાત કરી હતી. જો કે, હજી સુધી જગ્યા ન ફાળવતાં આંતરરાષ્ટ્રીય વિશ્વ હિન્દુ પરિષદના પ્રમુખ દ્વારા આમરણાંત ઉપવાસ શરૂ કરાયો છે. વરાછા ઝોન આફિસના પાર્કિંગમાં ઉપવાસ આંદોલનની શરૂઆત કરવામાં આવી છે. થોડા દિવસો અગાઉ સુરતના કાપોદ્રા વિસ્તારમાં રામદેવપીરનું મંદિર મહાનગરપાલિકા દ્વારા […]
વલસાડના પારડીમાં ડ્રેનેજ મુદ્દે રહેવાસીઓનો વિરોધ
વલસાડના વલસાડ પારડી વોર્ડ નં. 2 અને 5 માં ડ્રેનેજ લાઈન મુદ્દે સ્થાનિકો આક્રમક મૂડમાં આવી ગયા છે. આવનારી પેટા ચૂંટણીમાં કામ નહીં તો વોટ નહીં, ભાજપના કાઉન્સિલર ને વોટ નહીંના બેનરો લઈને વિસ્તારમાં ફરતા પાલિકા એન્જિનિયર, ભાજપની હાય હાય બોલાવતા સામી ચૂંટણીએ વિવાદ વકરવા સાથે ભાજપ ઉમેદવાર સામે પડકાર પણ ઉભો થયો છે. સ્થાનિકોએ […]
વિજય રૂપાણીના પાંચ વર્ષની સફળતા માટે સીઆર પાટીલે આ વાત કહી
મુખ્યમંત્રી વિજય રૂપાણીના નેતૃત્વમાં ભાજપ સરકારે પાંચ વર્ષ પૂર્ણ કર્યા છે તેની સિદ્ધીઓની ઉજવણી આજથી શરૂ કરી દેવાઈ છે. ગાંધીનગરમાં યોજાયેલા સમારંભમાં રૂપાણીએ સ્પષ્ટપણે જણાવ્યું હતું કે, રાજ્ય સરકારના સફળ શાસનના પાંચ વર્ષ પૂર્ણ થવાની કોઇ ઉજવણી નહીં, પરંતુ જનસેવા કાર્યોનો સેવાયજ્ઞ આપણે આદર્યો છે.કોંગ્રેસનું નામ લીધા વિના તેમણે કહયું હતું કે વિકાસ યજ્ઞનો કોંગ્રેસનો […]