આજરોજ સાપુતારા સહિત ગલકુંડ, શામગહાન અને તળેટી વિસ્તારમાં ગાજવીજ સાથે વરસાદ પડ્યો હતો ભારે પવન સાથે પડેલ વરસાદમાં વૃક્ષ ધરાશય થતાં એક ઈસમને ગંભીર ઇજા થઇ હતી. સાપુતારાના ગલકુંડ અને શામગહાનના તળેટી વિસ્તારમાં ભારે પવન અને ગાજવીજ સાથે વરસાદ પડ્યો હતો. જેમાં ઠેર ઠેર ઝાડ તૂટી પડવાની ઘટનાઓ બની હતી. ગલકુંડ ગામે ઝાડ તૂટી પડવાથી એક વ્યક્તિ ગંભીર રીતે ઘાયલ થયો હતો. ગલકુંડ ગામ વચ્ચે સર્કલ પર આવેલ ગેરેજ પર સાત જેટલી મોટરસાયકલ ઉભી હતી, જ્યાં એક યુવાન નીતિન મહાલે, રહે. હુંબાપાડા, તા. આહવા, જી. ડાંગ. જે પોતાની બાઇકમાં હવા પુરાવતો હતો. તે દરમિયાન વાવાઝોડા સાથે વરસાદ પડતાં મોટું વૃક્ષ ધડાકા સાથે તૂટી પડયું હતું, જેમાં આ યુવાન દબાઈ જતા ગંભીર ઇજાઓ થઇ હતી, જેને સ્થાનિક લોકોએ પ્રાથમિક સારવાર આપી હતી, ત્યાર બાદ 108 મારફતે તેને વધુ સારવાર માટે આહવા સિવિલ હોસ્પિટલમાં ખસેડવામાં આવ્યો હતો.
Related Articles
મેમણ સમાજ દ્વારા ઇલ્યાસ કાપડિયાનું સન્માન
ભારત સહિત વિશ્વના 40 દેશોમાં પથરાયેલા 35 લાખની વસ્તી ધરાવતા મેમણ સમાજના રાષ્ટ્રીય સંગઠન ઓલ ઇન્ડિયા મેમણ જમાત ફેડરેશનની 50મી વાર્ષિક સાધારણ સભા અને સંમેલન જુદા-જુદા બે તબક્કામાં સુરતના ઉન અને ચોકબજાર મેમણ હોલ ખાતે યોજવામાં આવ્યા હતા. આ પ્રસંગે રાયપુરના મેયર એઝાઝ એહમદ અતિથિ વિશેષ તરીકે અને ગુજરાત, મહારાષ્ટ્ર, પશ્ચિમ બંગાળ, છત્તીસગઢમાંથી હોદ્દેદારો, એક્ઝિક્યુટિવ […]
ચીખલીમાં સાર્વત્રિક વરસાદથી નદીઓ બે કાંઠે
ચીખલી પંથકમાં વધુ ત્રણ ઇંચ વરસાદ વરસતા લોકમાતાઓ બંને કાંઠે વહેવા લાગી હતી. રાત્રિ દરમ્યાન ગાજવીજ સાથે ધોધમાર વરસાદ તૂટી પડ્યો હતો. અંતિમ તબક્કામાં ચોમાસાએ બરાબર જમાવટ કરી છે. છેલ્લા ઘણા દિવસોથી વાદળછાયા વાતાવરણ વચ્ચે વરસી રહેલા મેઘરાજા મંગળવારની રાત્રે આક્રમક મૂડમાં જણાતા હતા અને રાત્રિના દસેક વાગ્યાના અરસામાં ગાજવીજ સાથે ધોધમાર વરસાદ તૂટી પડ્યો […]
ગુજરાતના નવા કેબિનેટ મંત્રીઓનો શપથગ્રહણ સમારોહ યોજાયો
ગાંધીનગરમાં સીએમ ભૂપેન્દ્ર પટેલના પ્રધાનમંડળમાં 24 સભ્યોનો સમાવેશ કરવા સાથે તેમનો શપથ વિધી સમારોહ ગુરૂવારે રાજભવન ખાતે યોજાયો હતો. રાજ્યપાલ આચાર્ય દેવવ્રતે તમામ 24 મંત્રીમંડળના સભ્યોને હોદ્દો અને ગુપ્તતાના શપથ લેવડાવ્યા હતા. સમગ્ર શપથ વિધી સમારોહનું સંચાલન ચીફ સેક્રેટરી પંકજકુમારે કર્યુ હતું. ભાજપ હાઈકમાન્ડ દ્વારા આખે આખી રૂપાણી સરકારના તમામ મંત્રીઓની વિકેટ પાડી દેવામાં આવી […]