પશ્ચિમ બંગાળમાં ચૂંટણી વખતે શરૂ થયેલી કેન્દ્ર અને મુખ્યમંત્રી મમતા બેનર્જી વચ્ચેનો તણાવ હજુ યથાવત છે. શુક્રવારે યાસ વાવાઝોડાથી થયેલા નુકસાનની સ્થિતિ જાણવા પ્રધાનમંત્રી નરેન્દ્ર મોદી પશ્ચિમ બંગાળ પહોંચ્યા તો મમતા રિવ્યૂ મીટિંગના નિર્ધારિત સમયે આવ્યા ન હતા. મીડિયા રિપોર્ટ્સ મુજબ મીટિંગમાં શુભેન્દુ અધિકારીને બોલાવવાથી તેઓ નારાજ હતા. તાજેતરમાં વિધાનસભા ચૂંટણીમાં મમતા શુભેન્દુ સામે હારી ગયા હતા. સૂત્રોના જણાવ્યા મુજબ મમતા અને ચીફ સેક્રેટરી એકજ પરિસરમાં હોવા છતા મીટિંગમાં 30 મીનિટ મોડા આવ્યા હતા. આ બેઠક દરમિયાન મમતાએ PM મોદીને વાવાઝોડામાં થયેલા નુકસાનનો પ્રાથમિક રિપોર્ટ આપ્યો હતો. બન્ને નેતાઓ વચ્ચે 15 મીનિટ બેઠક થઈ હતી. આ બેઠક પશ્ચિમ મેદિનીપુર જિલ્લામાં કલાઈકુંડામાં યોજાઈ હતી. અધિકારીઓએ જણાવ્યું હતું કે મુખ્યમંત્રીએ PM મોદીને રાજ્યની સ્થિતિ અને વાવાઝોડાથી સૌથી વધારે નુકસાન થયું તે વિસ્તારો વિશે જાણકારી આપી હતી. મમતા શનિવારે પ્રભાવિત વિસ્તારનો હવાઈ સર્વે કરશે.
Related Articles
સંસદમાં વિપક્ષનું વલણ ચિંતાજનક : નરેન્દ્ર મોદી
પેગાસસ મુદ્દે વિપક્ષના વિરોધ પ્રદર્શનથી સંસદની કાર્યવાહી અટકી ગઈ હોવાથી વડાપ્રધાન નરેન્દ્ર મોદીએ મંગળવારે તેમના ભાષણના કાગળો ફાડવા અને બિલ પસાર કરવાના માર્ગ પર ‘અપમાનજનક’ ટિપ્પણી કરવાના આચરણ અંગે નિંદા કરી હતી. તેમણે વિપક્ષ પર વિધાનસભા અને બંધારણનું અપમાન કરવાનો આરોપ લગાવ્યો હતો.ભાજપના સંસદીય દળની બેઠકમાં મોદીના ભાષણ અંગે માહિતી આપતા સંસદીય બાબતોના મંત્રી પ્રહલાદ […]
સવા ત્રણ મહિનાથી ભારતમાં કોરોનાના નવા કેસ પચાસ હજારથી નીચે
ભારતમાં એક દિવસમાં કોરોનાના નવા 26,041 કેસ નોંધાયા છે. આ સાથે અત્યાર સુધી નોંધાયેલા કુલ કેસની સંખ્યા વધીને 3,36,78,786 થઈ ગઈ છે. જ્યારે, સક્રિય કેસ ઘટીને 2,99,620 થઈ ગયા છે. જે છેલ્લા 191 દિવસમાં સૌથી ઓછા છે. એમ આરોગ્ય મંત્રાલયે સોમવારે આંકડા અપડેટ કરતાં જણાવ્યું હતું. સવારે 8 વાગ્યે અપડેટ કરાયેલા આંકડા મુજબ, કોરોનાના કારણે […]
મહારાષ્ટ્રમાં લોકડાઉન 15 દિવસ લંબાવાશે
મહારાષ્ટ્રમાં કોરોના સંક્રમણ રોકવા માટે હાલના લોકડાઉન જેવા પ્રતિબંધો લંબાવામાં આવ્યા છે. આ પ્રતિબંધો 30 એપ્રિલથી 15 દિવસ વધારવામાં આવશે. એમ આરોગ્યમંત્રી રાજેશ ટોપે બુધવારે જણાવ્યું હતું.રાજ્યમાં લોકોની હરવા ફરવા પરના કડક અંકુશ અને અન્ય પ્રતિબંધો 14 એપ્રિલથી અમલમાં છે અને તે 30 એપ્રિલના રોજ પૂર્ણ થવાના હતા. કેબિનેટની બેઠક બાદ ટોપેએ કહ્યું કે, પ્રતિબંધોના […]