સુરતમાં હાલ આરોગ્ય કટોકટી જેવો માહોલ છે. દરરોજ કોરોનાના રેકોર્ડબ્રેક કેસ સામે આવી રહ્યા છે. આ જ કારણે હૉસ્પિટલોમાં વેન્ટિલેટર ખૂટી પડ્યા છે. દર્દીના જ્યારે શ્વાસ લેવામાં વધારે તકલીફ પડે છે ત્યારે તેમને જીવ બચાવવા માટે વેન્ટિલેટર પર મૂકવામાં આવે છે. સુરતમાં સ્મીમેર હૉસ્પિટલ માં વેન્ટિલેટર ઓછા પડતા તંત્રએ વલસાડથી વેન્ટિલેટર લાવવાની ફરજ પડી છે. જોકે, આ વેન્ટિલેટર કચરો ભરવાની બે ગાડીમાં લાવવામાં આવતા અનેક સવાલ ઉઠ્યા છે. આ અંગે વીડિયો વાયરલ થયા બાદ લોકો સવાલ કરી રહ્યા છે કે લાખોની કિંમતના વેન્ટિલેટર આવી રીતે કચરાની ગાડીમાં લાવીને સુરત મ્યુનિસિપલ કોર્પોરેશનના સત્તાવાળાઓ શું સાબિત કરવા માંગે છે? દર્દી માટે સંજીવની સમાન આ વેન્ટિલેટર મશીનોને આવી રીતે કચરાની ગાડીમાં ભરીને લાવવામાં આવે તે ખરેખર શરમજનક વાત છે. આ અંગે તસવીરો અને વીડિયો વાયરલ થયા બાદ SMC તંત્ર સામે રોષ જોવા મળ્યો છે. બીજું કે વેન્ટિલેટરને જે રીતે ટેમ્પોને ભરીને લઈ જવામાં આવી રહ્યા હતા તેનાથી મશીનને નુકસાન થવાની પણ સંભાવના રહેલી હતી.
Related Articles
36 શહેરોમાં રાત્રિ કર્ફ્યૂ, મિનિ લોકડાઉન યથાવત
રાજ્ય સરકારે કેન્દ્ર સરકારના ગૃહ મંત્રાલયની તા. ૨૬ એપ્રિલની માર્ગદર્શિકા સંદર્ભે વધારાના નિયંત્રણો મૂકવાના મહત્વના નિર્ણયો લીધા છે. રાજ્યમાં અગાઉ જે ૮ મહાનગરો સહિત ૨૯ શહેરોમાં રાત્રિના ૮ થી સવારે ૬ વાગ્યા સુધી કરફ્યૂ હતો તે ૨૯ શહેરો ઉપરાંત ડીસા, અંકલેશ્વર, વાપી, મોડાસા, રાધનપુર અને કડી તથા વિસનગર સહિત કુલ ૩૬ શહેરોમાં લાગુ કરાશે. ૬ […]
બીલીમોરાનું ગરનાળું પાણીમાં ગરક
ગણદેવી તાલુકા સહિત બીલીમોરામાં ધોધમાર પડી રહેલા વરસાદે જનજીવન ખોરવી નાંખ્યું છે. વિતેલા 24 કલાકમાં 159 એમએમ એટલે કે 6.36 ઇંચ વરસાદ પડવા સાથે સૌથી વધારે ગુરુવારે મળસ્કે થી 4 સવારે 8 દરમિયાન 5 કલાકમાં 5 ઈંચ વરસાદ પડ્યો હતો. જેને લીધે બીલીમોરાના નીચાણવાળા વિસ્તારોમાં જળબંબાકારની સ્થિતિ ઉત્પન્ન થઇ હતી. ચોમાસાની ઋતુનો અસલ મિજાજ ચોમાસું […]
રાજ્યમાં સોમવારે કોરોનામાં 17નાં મોત
રાજ્યમાં કોરોનાના કેસની સંખ્યા ધીમે ધીમે ઘટી રહી છે. આજે નવા 11,592 કેસ નોંધાયા હતા. જ્યારે અમદાવાદ શહેરમાં 19 મૃત્યુ સાથે રાજ્યમાં કુલ મૃત્યું 117 થયા છે. જ્યારે અત્યાર સુધીમાં કુલ મૃત્યુ આંક 8511 થયા છે. રાજ્યમાં છેલ્લા 24 કલાક દરમિયાન આજે નવા નોંધાયેલા કેસોમાં અમદાવાદ શહેરમાં 3194, સુરત શહેરમાં 823, વડોદરા શહેરમાં 751, રાજકોટ […]