આર્થિક પ્રવૃતિમાં વધારાની એક નિશાનીમાં જુલાઇ મહિનાની ભારતનો ગુડ્સ એન્ડ સર્વિસ ટેક્સની વસૂલાત કોવિડના બીજા મોજાના નિયંત્રણો પછી ફરી એક વાર ૧ લાખ કરોડને વટાવી ગઇ છે, જે બીજા મોજાને કારણે ગયા મહિને વસૂલાતમાં મોટો ઘટાડો નોંધાયો હતો. જુલાઇમાં જીએસટીની વસૂલાત ૧.૧૬ લાખ કરોડ થઇ છે અને તે વર્ષો વર્ષના ધોરણે જુલાઇમાં ૩૩ ટકા વધારે છે, જે અર્થતંત્રમાં ઝડપથી રિકવરી આવી રહી હોવાનો સંકેત છે. જુલાઇ ૨૦૨૦માં જીએસટી કલેકશન રૂ. ૮૭૪૨૨ કરોડ હતું. આ નાણાકીય વર્ષમાં આ બીજી સૌથી ઉંચી વસૂલાત છે જ્યારે એપ્રિલમાં જીએસટીની વસૂલાત ૧.૪૧ લાખ કરોડ થઇ હતી. નાણા મંત્રાલયે એક નિવેદનમાં જણાવ્યું હતું કે જીએસટીની જોરદાર આવક આગામી મહિનાઓમાં પણ ચાલુ રહેશે. જુલાઇ મહિનામાં જીએસટની કુલ વસૂલાત રૂ. ૧૧૬૩૯૩ કરોડ થઇ છે જેમાંથી રૂ. ૨૨૧૯૭ કરોડ સેન્ટ્રલ જીએસટી છે, સ્ટેટ જીએસટ રૂ. ૨૮પ૪૧ કરોડ છે, ઇન્ટિગ્રેટેડ જીએસટી રૂ. પ૭૮૬૪ કરોડ છે(જેમાં સામાનની આયાત પરની રૂ. ૨૭૯૦૦ કરોડની જીએસટી વસૂલાત શામેલ છે), સેસ રૂ. ૭૭૯૦ કરોડ વસૂલ થઇ છે જેમાં સામાનની આયાત પર વસૂલ થયેલી રૂ. ૮૧૫ કરોડની સેસ શામેલ છે. જુલાઇ ૨૦૨૧માં વસૂલ થયેલી જીએસટીની કુલ રકમ ગયા વર્ષના આ જ મહિનામાં જમા આવેલી રકમ કરતા ૩૩ ટકા વધારે છે. કોવિડ-૧૯ના ચેપના બીજા મોજા પહેલા જીએસટીની વસૂલાત સતત આઠ મહીના સુધી રૂ. ૧ લાખ કરોડ કરતા વધારે રહી હતી પરંતુ બીજા મોજામાં વિવિધ રાજ્યોમાં મૂકાયેલા નિયંત્રણોને પગલે જૂન મહિનામાં આ વસૂલાત ઘટીને રૂ. ૯૨૮૪૯ કરોડ થઇ ગઇ હતી. જુલાઇમાં જીએસટીની જમા આવેલ ઉંચી રકમ એ મોટે ભાગે જૂનના પુરવઠા અને વેચાણ પર વસૂલ થઇ છે જ્યારે રાજયો કોવિડની બીજી લહેર ધીમી પડ્યા બાદ પોતાના નિયંત્રણો હળવા કરી રહ્યા હતા. એપ્રિલ અને મે મહિનામાં મોટા ભાગના રાજ્યો લૉકડાઉનના જુદા જુદા તબક્કા હેઠળ હતા.
Related Articles
મિસ યુનિવર્સ બની મેક્સિકોની એન્ડ્રિયા, ચોથા સ્થાને ભારત
મેક્સિકોની એન્ડ્રિયા મેજાએ મિસ યુનિવર્સ 2020નો ખિતાબ પોતાના નામે કર્યો છે. પૂર્વ મિસ યુનિવર્સ જોજિબિની ટૂંજીએ તેને તાજ પહેરાવ્યો હતો. ફ્લોરિડા ખાતે યોજાયેલી ઈવેન્ટમાં બ્રાઝિલની જુલિયા ગામા ફર્સ્ટ રનરઅપ રહી હતી. જ્યારે પેરૂની જેનિક મકેટા સેકન્ડ રનરઅપ રહી હતી. સ્પર્ધામાં ભારતની એડલિન કાસ્ટેલિનો થર્ડ રનરઅપ જ્યારે ડોમિનિકન રિપબ્લિકની કિમ્બરલી પેરેઝ ફોર્થ રનરઅપ બની હતી. મિસ […]
મુંબઇના પૂર્વ પોલીસ કમિશનરની હાઇકોર્ટમાં અરજી
મુંબઇના પૂર્વ પોલીસ કમિશનર પરમબીર સિંહે હાઇકોર્ટમાં એક રિટ પિટીશન દાખલ કરી મહારાષ્ટ્ર સરકાર તરફથી તેમની વિરૂદ્ધ કરવામાં આવતી કાર્યવાહી અટકાવવાની માગ કરી છે. તેમણે અરજીમાં કહ્યું છે કે, રાજ્ય સરકાર તરફથી તેમના ઉપર કાર્યવાહી કરતી અટકાવવા માટે કોર્ટ ઉદ્ધવ ઠાકરેને આદેશ આપે. કોર્ટે આ મામલાની વધુ સુનાવણી 4 મેના રોજ રાખી છે. આ ઉપરાંત […]
કંદહારમાંથી ભારતે રાજદ્વારી અને સુરક્ષા જવાનોને પરત બોલાવ્યા
અફઘાનિસ્તાનમાં કથળતી સલામતીની પરિસ્થિતિ અને કંધારની આજુબાજુના નવા વિસ્તારો પર તાલિબાનના કબજાને જોતાં ભારતે દક્ષિણ અફઘાન શહેરમાંથી પોતાના વાણિજ્ય દૂતાવાસમાંથી લગભગ 50 રાજદ્વારીઓ અને સુરક્ષા જવાનોને પરત બોલાવી દીધા છે. એમ અધિકારીઓએ રવિવારે માહિતી આપી હતી. શનિવારે ભારતીય વાયુસેનાના એક વિશેષ વિમાનને ભારત-તિબેટીયન બૉર્ડર પોલીસ કર્મચારીઓના જૂથ સહિતના ભારતીય રાજદ્વારીઓ, અધિકારીઓ અને અન્ય જવાનોને દેશમાં […]