રાજયમાં કોરોનાના એકજ દિવસમાં કેસો વધીને 10,000ને પાર કરી ગયા છે છતાં પણ સરકાર લોકડાઉન કરવા માટે તૈયાર નથી. હવે સરકાર ધંધાર્થીઓના ખભે લોકડાઉનની બંદુક ફોડવાના પ્રયાસો કરી રહ્યાં છે. આજે રાજયના સીએમ વિજય રૂપાણીએ ગુજરાત વેપારી મહામંડળ, અમદાવાદ , વડોદરા , સુરત , રાજકોટ , જામનગર , જૂનાગઢ , વિસનગર , સુરેન્દ્રનગર, ભાવનગર , ગાંધીધામ અને પાલનપુરના વેપારી મહાજનો સાથે કોરોનાના વધતાં જતાં કેસોના પગલે ઊભી થયેલી પરિસ્થિતિની ચર્ચા કરી હતી. આ વીડિયો કોન્ફરસન્માં રાજયમાં સત્તાવાર લોકડાઉન ટળી જવા પામ્યું હતું. રૂપાણીએ વેપારી મહાજનો દ્વારા સ્વૈચ્છિક લોકડાઉનના પગલાને આવકારી લીધું હતું. રૂપાણીએ કહ્યું હતું કે, લોકો રોજગારી ન ગુમાવે- અર્થવ્યવસ્થા ચાલતી રહે તેમ ‘જાન ભી જહાન ભી ના’ મંત્ર સાથે રણનિતી ઘડાય તે આવશ્યક છે. વેપારી મહાજન મંડળોની સ્વૈચ્છિક બંધ અને આંશિક લોકડાઉનની પહેલને તેમણે આવકારદાયક ગણાવી હતી. રૂપાણીએ જણાવ્યું હતું કે ગુજરાત ચેમ્બર ઓફ કોમર્સ એન્ડ ઇન્ડસ્ટ્રી વહીવટી તંત્રને પૂરક બની કોરોનાકાળમાં જનસેવા કરવા સક્ષમ છે. ઓક્સિજન ઉત્પાદન, સિલિન્ડરના રિફિલિંગ અને વિતરણ વધારવામાં પણ GCCIની ભૂમિકા મહત્વની છે અને તે માટે રાજ્ય સરકાર લોજિસ્ટિક સપોર્ટ આપવા તૈયાર છે.
Related Articles
માસ્કનો દંડ 1000 થી ઘડાડી 500 કરવા સરકાર હાઇકોર્ટને વિનંતી કરશે
ગુજરાતમાં કોરોનાનું સંક્રમણ ખતરનાક રીતે વધી ગયું હતું અને રોજે રોજ અનેક લોકોના તેમાં મોત થતાં હતા. કોરોનાના સંક્રમણના ડર વગર ઠેર ઠેર રેલીઓ અને સભાઓના આયોજન થતા હતા અને હાઇકોર્ટની વારંવારની ટકોર પછી પણ લોકો માસ્ક વગર બિન્દાસ્ત ફરતાં થઇ ગયા હતા જેના કારણે હાઇકોર્ટે સુઓમોટો દાખલ કરી કડક વલણ અપનાવ્યું હતું અને સરકારી […]
વડોદરામાં હાઈટેક ઔષધ સંશોધન અને વિકાસ કેન્દ્રનો આરંભ કરાવતાં મુખ્યમંત્રી
ગુજરાત દેશનું મેન્યુફેક્ચરિંગ, ઓટોમોબાઇલ અને ફાર્માસ્યુટિકલ,ડાયમંડ અને ટેકસટાઇલ હબ – કેપિટલ બન્યુ છે. ગુજરાત પોલિસી ડ્રીવન સ્ટેટ છે અને વિકાસના દરેક ક્ષેત્રમાં નીતિ આધારિત સાતત્ય પૂર્ણ વિકાસ આયોજન કરવામાં આવે છે જેથી ગુજરાત તકોની ભૂમિ – લેન્ડ ઓફ ઓર્પોચ્યુનિટી બની છે.પર્યાવરણ સાનુકૂળ વિકાસ એ ગુજરાતની ખાસિયત છે તેમ સીએમ વિજય રૂપાણીએ કહ્યું હતું . તેમણે […]
રાજ્યના 10 હજાર પોલીસ જવાન બોડીબોર્ન કેમેરાથી સજ્જ થશે
સાબરકાંઠા જિલ્લા રામપુરા ખાતેના કિસાન સન્માન કાર્યક્રમ પૂર્ણ કરીને પોલીસ અધિક્ષકની કચેરી હિંમતનગર ખાતે યોજાયેલી ક્રાઇમ કોન્ફરન્સમાં ગુહ મંત્રી પ્રદિપસિંહ જાડેજાએ જણાવ્યું હતું કે ૧૦ હજાર બોડી બોર્ન કેમેરા પોલિસ કર્મી ઉપર લગાડીને કંટ્રોલ રૂમ સાથે જોડવામાં આવશે. જેથી પોલીસ અને પ્રજા વચ્ચેનો સંઘર્ષ નિવારી શકાય. સાઇબર ક્રાઇમ ઘટાડવા માટે પણ અનેક પગલા લેવામાં આવશે […]